CANTOS COPLAS E ROMANCES DE CEGO Nº2

Vai agora a segunda entrega de coplas de cego; romances, coplas e poemas que chegaron a nós despois dos anos 70, en múltiples recollas realizadas por aqueles lugares de influencia, ben por actuacións, viaxes, coñecemento de informantes, por amigos e compañeiros, por traballo no exercicio da docencia, etc. Do mesmo xeito que no primeiro libro recopilatorio, moitas das veces son recollas de transmisións orais que se gardaron con gravadoras, películas, vídeos, fotos... e, outras por anotacións ou reflexo exacto dos orixinais prestados. Incluimos tres CDs coas gravacións orixinais.