Caminos a Santiago

A partir do século XII comezan as peregrinacións a Compostela desde os países nórdicos e as Illas Británicas, sendo a primeira da que se ten noticia no ano 1147, coa chegada dunha escuadra de cruzados que ían a Terra Santa.

Esta expedición tomou parte na conquista de Lisboa, axudando ao primeiro rei de Portugal na súa loita contra os árabes. Antes de tomar parte na batalla, os expedicionarios visitaron a tumba do Apóstolo en Compostela. Entraba así na historia o "Camiño Inglés" á Capital de Occidente.

Desde o descubrimento do sepulcro do Apóstolo Santiago o Maior en Compostela, os crentes de toda Europa peregrinaron á Capital de Occidente seguindo un camiño marcado no ceo pola Via Láctea, e que por terra recibe o nome de camiño Francés ou simplemente, O CAMIÑO DE SANTIAGO.

Percorremos o CAMIÑO nas súas últimas etapas: desde onde termina o Reino de León e comeza o Fins Terrae, Galicia, ata a capital das terras do Apostol Santiago.

Polo Camiño do Norte a Compostela, máis antigo que o Camiño Francés, acudían á capital de Occidente os que chegaban de Europa pola Cornixa Cantábrica e os que chegaban por mar ao norte da Península.

As primeiras peregrinacións chegan de Asturias no século X, ou en data anterior. Os peregrinos viñan a través do País Vasco, pasaban por Oviedo a honrar ao Salvador, e seguían o Camiño Primitivo polo interior ou a Ruta Cantábrica, Camiño Alto ou Camiño do Norte.

Desde o descubrimento do sepulcro do Apóstolo Santiago o Maior en Compostela, os crentes de toda Europa peregrinaron á Capital de Occidente seguindo un camiño marcado no ceo pola Vía Láctea, e que por terra recibe o nome de camiño Francés ou simplemente O CAMIÑO DE SANTIAGO.

Percorremos o CAMIÑO nas súas últimas etapas: desde onde termina o Reino de León e comeza o Fins Terrae, Galicia, ata a capital das terras do Apóstolo Santiago.

Desde Roncesvalles hai un millón de pasos (800 quilómetros) ata Compostela. Percorremos o camiño francés cara a capital de Occidente desde os Pirineos (que son dous camiños ata Puente la Reina) visitando Pamplona, Obanos, Somport, Jaca, Leyre, Santigüesa, Eumate, Estella, Viana, Logroño, Nájera, Sto. Domingo de la Calzada, S. Juan de Ortega, Burgos, Castrojeriz, Frómista, Villalcazar de Sirga, Carrión de los Condes, Sahagún, Mansilla de las Mulas, León, Hospital de Orbigo, Astorga, Foncebadón, Ponferrada, Villafranca...